فضيحة سعودي تحت خط الفقر

يقولك هذا واحد اسمه أحمد.. يعمل حارس امن في شركة راتبه الشهري 1200 ريال وعنده 7 افراد يصرف عليهم 

ويعمل في الشركة تقريببا 12 ساعه ولو حسبناها يعني تكلفته في الساعه حوالي 5 ريال تقريبا مع اني مزودها شوي ..

ولو قلنا انه ساكن في ملك يعني مايدفع قيمة ايجار وماعنده جوال او هاتف ثابت وعنده دراجه ناريه (بطه) يروح ويرجع عليها للدوام 

بالله كيف يعيش ؟؟ 

الرجال قام وبكل شجاعه وصمم مقطع فيديو بالتعاون مع شخص اعلامي في جريدة الشرق الاوسط ونزل المقطع في اليوتيوب وفي كل مكان وانتشر .. وكتبت عنه قناة العربية في موقعها .. 

وش تعليقاتكم على هالحركه ؟؟ اللي رد فيها بكل واقعيه على جميع ما يصرح به المسئولين واصحاب الملايين من أنه لا يوجد فقر بالسعودية ؟؟ مهوب عاقلين هارون الرشيد وربعه !! 

حتى بالماريه انا شايفن القصيبي يدور على البيوت يوزع الزكاة والصدقات ويرجع فيهن مايحصل احد ياخذهن الجميع ولله الحمد مكتفي .. 

عن نفسي انا سويت اعادة هندسة الميزانية الشهرية للاسره وطرحت عليهم مجموعة من الدراسات لتوفير مبالغ ماليه وذلك عن طريق الاستغناء عن بعض الخدمات .. لذا قمنا بما يلي :-

1- اغلاق عدد 3 جوالات عائلية والاستغناء عن خدماتها .. 

2- الاكتفاء بوجبتين يوميا (وجبة غداء + وجبة عشاء ) مع الاكتفاء في وجبة العشاء على خبز عادي مع صحن فوول 

والغداء نحط نصف حبة دجاجه كل يوم فقط .. 

3- تخفيض سرعة الدي اس ال من 512 الى 256 ولو حصل 128 كان احسن .. 

4- الاستغناء عن خدمات السائق والشغاله . 

5- بيع واحده من السيارات الثلاث المتوقفه امام البيت والاكتفاء بسيارة عائلية كبيره للسفر في حال نجاح خطة التوفير واستخدام السيارة الصغيره ام اربع سلندر فقط . 

6- عدم دعوة الضيوف للمنزل علشان ما نتكلف لان هالوقت الواحد مايصدق خبر انه يعزم يجيك طاير . 

وغيرها من القرارات الداخلية الخاصة بالعائلة والتي لاقت استحسان الجميع وتم فرضها عليهم . مما جعلنا نرجع لحالة التقشف 

التي اعلان عنها وزيرة التجارة والصناعة السابق . 

رفعة الجلسة وانتهى الامر . وكل فقر وانتم بخير ..