وش بقى ياقوقل ماظهر !!

الفتره هذي قوقل انهبلت .. وقامت تشطح بخيالاتها بعيد .. بعد ما كانت مجرد فتحه بجدار الانترنت للبحث 

الحين صارت صفحة اساسية لكل جهاز كمبيوتر !! 

 

عاد قوقل كشفت النقاب عن حركة جديده في عالم البحث وهي 

Google Audio Indexing (GAudi)

 

وهي مختصة بالبحث عن كلمات بالملفات الصوتيه والفيديو .. يعني مثلا تدخل اليوتيوب وتكتب كلمة اقتصاد ويعطيك كل المقاطع 

اللي ورد فيها هالكلمة .. وهذولي ينطبق عليهم قولة القصبي قل قسم بالله ..  

http://labs.google.com/gaudi

 

لا وازيدكم من الشعر بيت والحين عندهم حركة جديده اسمها 

In Quotes

 

ومعناتها الاقتباسات .. وفكرتها انها تقوم بأقتباس العبارات والتصاريح المهمة لشخصيات مهمة او اي شخصيات قامت بأي تصريح في الانترنت او اي وسيلة اعلامية حول موضوع معين ويحطها لك في هالمكان .. وانت تجي عاد وتقرأها وتقدر تفضح الشخص اللي مسوي تصريح وبعد فتره قام واصدر تصريح مخالف !! عز الله بيفضحون ربعنا  

واذا تبي شرح للفكره  على هالرابط 

http://labs.google.com/inquotes/

 

لما تدخل بتحصلهم مسوين اقتباسات لعدة مواضيع بين بارك اوباما و جون مكين مثلا حول العراق يجيب لك تصاريحهم كلها وارائهم حول هالموضوع .. 

 

وزي ماقلت ياربعنا انتبهوا لتصاريحكم .. :0

 

وانا اقوول وش بقى ياقوقل ماظهر ..