الله بالخير .. من زمان ماكتبت تدوينه واصلا من حيني ما اكتب تدوينه لكن وش اسوي الظروف تردك وتخليك تكتب لو هي شينه المهم تكتب وتكتب وفي النهاية ماحولك احد .. طيب وش الفايده من كتابتي ؟ وش الفايده اني اتكلم واطالب واصوت واسوي كل شي اذا كان ماراح ينفذ من كلامي او كلام غير شي ؟
الوكاد ان الحوار الوطني نموذج لجلسة استراحه رد الباب صك الباب وفي النهاية يخرب الباب وما احد استفاد ولا احد يدري وش موقعه من الاعراب ؟ يا نفتح الباب يا نصكه !
مثلا نموذج جامعة الملك سعود في تجربة المجالس الاستشاريه الطلابيه !! تعتبر نافذه وحيده مسكينه عن طريقها يقدر الطالب او الطالبة يوصلون اصوات ملايين الطلاب للمسؤولين علشان ياخذون مطالبهم بجديه !! لكن اللي حاصل انه من النوع الديموقراطي وشفافيه الحوار يقوم المسؤول بوضع نقاط الحوار وتحديد المتحدثين وبعدها صورة جماعية وخبر اعلامي رهيب وتوكلوا على الله !
لذا اقول ليه مايصكون هالباب مرتن وحده ويرحونا منها والمسؤولين فاضين للطلاب وخرابيطهم ؟
